من تسجيلات صلاح السعيد في إنبي: ماجد نجاتي قال لي.. لازم تنزل إنتخابات النادي.

Print


من تسجيلات صلاح السعيد في إنبي: ماجد نجاتي قال لي.. لازم تنزل إنتخابات النادي.
من تسجيلات صلاح السعيد في إنبي: ماجد نجاتي قال لي.. لازم تنزل إنتخابات النادي.



حصلت المستقبل البترولي على تسجيل صوتي يؤكد ان دخول صلاح السعيد انتخابات نادي إنبي على مقعد أمين الصندوق جاء بتوجيهات من المهندس محمد حتحوت رئيس شركة إنبي

وأكد السعيد في التسجيلات الصوتية المتداولة بالشركة انه استقبل مكالمة من ماجد نجاتي رئيس النادي السابق يؤكد فيها ضرورة خوضه الإنتخابات على مقعد أمين الصندوق ،وكانت المحادثة بين صلاح السعيد مدير عام الشئون الإدارية وأيمن الشريعي رئيس نقابة إنبي وجاءت كالتالي :-

السعيد : علاء بيقنع هيثم وزهرة انهم يخشو علشان ما تتسبش لزكريا ومصطفى لأنهم كانو مرتبين في المالية ان زكريا ومصطفى يدخلو ويكتّفو علاء وعلاء ميشتغلش وهما يسيطرو على النادي.

الشريعي: انا عارف ان التعليمات جاية من المهندس حتحوت.

السعيد: ما هو حتحوت وعلاء الاتنين علشان ماتتسبش لزكريا ومصطفى علشان تبقى فاهم والمالية ولعت النهاردة تماما ... ليه وليه انا نزلت.

الشريعي: ليه وليه انت نزلت طيب وهيثم..!

السعيد : بيقولو ليه هيثم نزل وصلاح نزل وزهرة كمان

الشريعي : ده أحمد سعد نزل

السعيد: احمد سعد وشهاب كمان نزل في كام واحد نازلين علشان يقفلو الليلة

الشريعي: بس أنا عندي معلومة ان زهرة هتسحب العضوية

السعيد: هي بتحاول بس قالولها لأ ..هما ضغطين عليها

الشريعي: طيب المهندس حتحوت هيستفيد اييه من زهرة لما تنزل؟

السعيد:مش استفادة هي عملية تقفيل القائمة على الناس اللي تخدم النادي وملهاش مصالح ... هما بتوع المالية بِيِجرو ليه على النادي تقدر تقولي بيجرو ليه؟؟

الشريعي: علشان موضوع الكورة هما أصلا بيلعبو كورة.

السعيد: هما بقالهم اربع خمس سنين في النادي اييه اللي فارق معاهم هيموتوا عليها كده ليه يا أيمن

الشريعي: مش عارف!

السعيد : في مواضيع انت متعرفهاش.

الشريعي: لا معرفش.

السعيد : التيشرتات وتوريد التيشرتات والكورة وطارق سنتر والمصانع والاستفادات والشغل اللي من تحت لتحت.

الشريعي: العمولات..!

السعيد : ايوة بالظبط

الشريعي: كلمت الاستاذ ماجد؟

السعيد: التيشرتات اللي جت السنة اللي فاتت وطلعت بايظة

الشريعي: تيشرتات باظت..!!!

السعيد: تيشرتات جت بايظة السنة اللي فاتت وشغل على اعلى مستوى

الشريعي: يانهار اسود..!

السعيد: طارق سنتر اللي مصاحبهم ليل ونهار.

الشريعي : مين طارق سنتر؟

السعيد : عنده مصنع بيضرب التيشرتات والماركات.

الشريعي: اييه ياعم ده!

السعيد : انا بقولك علشان تبقى عارف المصالح امال هما نزّلوني لييه علشان أقفل حتة أمين الصندوق وكده طلعت براهم وهما كده ولعوا ودعم منك والمالية نفسها مش هتديهم صوتهم فخلصت 

الشريعي: كلمت الاستاذ ماجد؟

السعيد : آه ماجد كلمني الساعة ٢ وقالي لازم تنزل يا صلاح مع ان الْيَوْمَ اللي قبليها كان قاعد بيتغدى معاهم

الشريعي: آه انت كنت بتقولي كانو بيتقابلوا بره.

السعيد: آه وماجد كان معاهم ولقيته الساعة ٢ وقبل ما تقفل اللجنة قالي صلاح لازم تنزل قولتله يا فندم انا مقدرش انزل غير لما يقولولي حضرتك عارف انت لما بتبقى فوق مينفعش تتصرف لوحدك قالي طيب روح قولهم .. انا نازل رايحلهم دلوقتي وبمجرد ما وصلت هناك جاتلي تعليمات انزل من علاء وحتحوت الاتنين روحت نازل وروحت مكلم ماجد قولتلو انا نزلت قالي كده أحسن حاجه ياصلاح

الشريعي: بس انا بلغني ان المهندس حتحوت جاب المهندس علاء خشب وقاله لازم هيثم وصلاح يكونو معاك

السعيد: آه صح حتحوت وعلاء متفقين وعلاء قلب على زكريا ١٨٠ درجة 

الشريعي: غريبة قوي ليه..!

السعيد : علشان الاجتماعات اللي بيعملها والتحالفات اللي بيعملها ضده.

ملحوظة:

هذه التسجيلات وصلتنا بعد ان تداولها موظفون بشركة إنبي، وانتظروا الحلقة القادمة.


#الكلمات المتعلقة

اضف تعليق

الي الاعلي